ராணிப்பேட்டை மாவட்டம், மேல்விசாரம் நகராட்சி பகுதியில் அமைந்துள்ள மின்சார வாரிய அலுவலகத்தில், இளம் பொறியாளராக (JE) சாதிக் பாஷா என்பவர் கடந்த 8 ஆண்டுகளுக்கும் மேலாக ஒரே இடத்தில் பணியாற்றி வருகிறார்.
இவர் மீது பராமரிப்புப் பணிகளைச் சரியாக மேற்கொள்வதில்லை, பொதுமக்களின் கோரிக்கைகளுக்கு உரிய ஒத்துழைப்பு அளிப்பதில்லை மற்றும் பல்வேறு பணிகளுக்கு லஞ்சம் பெற்றுக்கொண்டு முறைகேடுகளில் ஈடுபடுவதாகப் புகார்கள் எழுகின்றன.
அரசு மற்றும் மின்வாரிய விதிகளின்படி, குறிப்பிட்ட ஒரு பணியிடத்தில் 3 ஆண்டுகளுக்கு மேல் தொடர்ந்து பணியாற்றக் கூடாது என்ற நிலை உள்ளபோது, இவர் கடந்த 8 ஆண்டுகளாக ஒரே இடத்தில் நீடிப்பது எவ்வாறு சாத்தியம் என்ற கேள்வி எழுந்துள்ளது.
எனவே, சம்பந்தப்பட்ட மின்வாரிய உயர் அதிகாரிகள் உடனடியாக தலையிட்டு, இவர் மீது உரிய விசாரணை நடத்தி தகுந்த நடவடிக்கை எடுக்க வேண்டும் என அப்பகுதி பொதுமக்கள் வலியுறுத்துகின்றனர்.